Home प्रदेश समाचार कोरोना कहरकाबीचमा गुल्मीमा १२ हजार बढीले दिए रोजगारका लागि आवेदन

कोरोना कहरकाबीचमा गुल्मीमा १२ हजार बढीले दिए रोजगारका लागि आवेदन

मंसिर १९, २०७७ गुल्मी
कोरोना कहरकाबीचमा गुल्मीका १२ हजार बढीले रोजगारका लागि आवेदन दिएका छन् । विश्वव्यापी महामारीको रुपमा फैलिएको कोरोना भाइरस (कोभिड–१९) का कारण धेरैले रोजगार गुमाएर गाउँ फर्किएका छन् । यसबीचमा जिल्लाका दुई नगरपालिका र दश गाउँपालिका गरि १२ वटै स्थानीयतहहरुमा १ हजार १ सय ७१ जना बेरोजगारहरुले स्वरोजगारका लागि आवेदन दिएका हुन् । प्रधानमन्त्री रोजगार कार्यक्रमका लागि जिल्लाका स्थानीयतहरुले आवेदन माग गरेका थिए । गएको भदौ सात गते देखि असोज २० गतेसम्ममा त्यस संख्यामा आवेदन परेको स्थानीयतहका रोजगार संयोजकहरुले जानकारी दिएका छन् ।
आफू स्थायी बसोबास रहेको स्थानीय तहको वडामा गएर इच्छुक १९ देखि ५९ वर्ष उमेर समूहका व्यक्तिले बेरोजगार दर्ताका लागि निवेदन दिन पाउँने व्यवस्था गरिएको थियो । एक आर्थिक वर्षमा न्यूनतम एक सय दिन रोजगारमा संलग्न नभएका र कम्तीमा तोकिए बमोजिमको आयआर्जन हुने स्वरोजगारमा संलग्न नभएका व्यक्तिलाई मात्र फाराम भर्ने व्यवस्था मिलाईएको थियो ।प्रधानमन्त्री रोजगार कार्यक्रमका लागि जिल्लाको रेसुङ्गा नगरपालिकामा ८ सय ५० जना बेरोजगार सूचिकृत भएका छन् । आर्थिक वर्ष २०७७र०७८ का लागि नगरपालिकामा उक्त संख्यामा रोजगार व्यवस्थापन सूचना प्रणाली (ईएमआईएस) मा सूचिकृत गरिएको रोजगार संयोजक सन्तोष पन्तले जानकारी दिनुभयो ।
यहाँ २ सय २७ जना भन्दा बढीलाई यस आर्थिक वर्षमा रोजगार प्रदान गरिने पन्तले बताए ।मुसिकोट नगरपालिकामा एक हजार ५८ जना बेरोजगार सूचिकृत भएका छन् । त्यस संख्यामा रोजगार व्यवस्थापन सूचना प्रणाली (ईएमआईएस) मा सूचिकृत गरिएको नगरपालिकाले जनाएको छ ।
र्ईस्मा गाउँपालिकामा ७ सय १४ जना बेरोजगार सूचिकृत भएका छन् । त्यस संख्यामा रोजगार व्यवस्थापन सूचना प्रणाली (ईएमआईएस) मा सूचिकृत गरिएको रोजगार संयोजक गणेश कुँवरले जानकारी दिनुभयो । यस आर्थिक वर्षमा त्यस गाउँपालिकामा १ सय ९५ भन्दा धेरैले रोजगार प्राप्त गर्ने कुँवरले बतानुभयो ।

धुर्कोट गाउँपालिकामा १ हजार ९ सय २७ जना बेरोजगार सूचिकृत भएका रोजगार संयोजक मिना सुनार श्रीपालीले जानकारी दिनुभयो । त्यस गाउँपालिकामा ७ वटा वडा रहेका छन् । यस आर्थिक वर्षमा प्रत्येक वडाबाट ५० जनाको दरले रोजगार पाउने उनले बताईन् । अति विपन्न, दलित, गरिब, एकल महिला, अपाङ्ग, वैदेशिक रोजगार गुमाएका व्यक्तिलाई बिशेष प्राथमिकता दिईने श्रीपालीले बतानुभयो ।

मालिका गाउँपालिकामा १ हजार ५ सय ५० जना बेरोजगार सूचिकृत भएका रोजगार संयोजक खेमराज गैरेले जानकारी दिनुभयो । उनका अनुसार ३ सय ६ जनाले यस आर्थिक वर्षमा रोजगार पाउने छन् । बेरोजगार भएको एक वर्षभित्रमा न्यूनतम रोजगार प्राप्त नगरेको, स्वरोजारमा संलग्न नभएको, सरकारले तोके भन्दा कम आय–आर्जन भएकोलाई गाउँपालिकाले बिशेष प्राथमिकता दिने उहाँले बताउनुभयो ।

मदाने गाउँपालिकामा १ हजार ३ सय ७५ जना बेरोजगार सूचिकृत भएका रोजगार संयोजक रमिता केसीले जानकारी दिनुभयो । यस आर्थिक वर्षमा त्यस गाउँपालिकामा २ सय ९५ जनालाई रोजगार प्रदान गरिने उहाँले बताउनुभयो । त्यस गाउँपालिकाले वैदेशिक रोजगार गुमाएका, रोजगारको खोजीमा रहेका, गरिब, विपन्नलाई प्राथमिकता राखेको केसीले जानकारी दिनुभयो । आम्दानीको आधारमा आधारमा न्यूनतम १ सय दिनका लागि रोजगार प्रदान गरिने छ ।

गुल्मीदरबार गाउँपालिकामा ६ सय ६५ जना बेरोजगार सूचिकृत भएका रोजगार संयोजक निर्मला पाण्डेले जानकारी दिनुभयो । उनका अनुसार यस आर्थिक वर्षमा १सय ८५ जनाले रोजगार प्राप्त गर्नेछन् । छत्रकोट गाउँपालिकामा ८ सय ६९ जना बेरोजगार सूचिकृत भएका रोजगार संयोजक शोभा श्रेष्ठले जानकारी दिनुभयो । यस आर्थिक वर्षमा २ सय ६ जनाले रोजगार प्राप्त गर्नेछन् । गाउँपालिकाले अति विपन्न, एकल महिला, गरिब, दलित तथा रोजगार गुमाई बेरोजगार भएकालाई बिशेष प्राथमिकतामा राखेको श्रेष्ठले जानकारी दिनुभयो ।

रुरु क्षेत्र गाउँपालिकामा १ हजार १ सय २२ जना बेरोजगार सूचिकृृत भएका रोजगार संयोजक करुणा पन्थीले जानकारी दिनुभयो । यस आर्थिक वर्षमा २ सय ४ जनाले रोजगार प्राप्त गर्ने पन्थीले बताउनुभयो । सत्यवती गाउँपालिकामा ९ सय २७ जना बेरोजगार सूचिकृत भएका रोजगार संयोजक सुभाष आर्चायले जानकारी दिनुभयो । कालीगण्डकी गाउँपालिकामा ४ सय ७३ जना बेरोजगार सूचिकृत भएका प्रशासन शाखाका पुण्य आर्चायले जानकारी दिनुभयो । चन्द्रकोट गाउँपालिकामा ६ सय ४१ जना बेरोजगार सूचिकृत भएका रोजगार संयोजक यज्ञमूर्ति न्यौपानेले जानकारी दिनुभयो । चालु आर्थिक वर्षमा १ सय ८६ जनाले रोजगार प्राप्त गर्ने उहाँले बताउनुभयो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

कपिलवस्तुमा कोरोना संक्रमितको संख्या निरन्तर घटदै

१ सय ५९ जना सकृय संक्रमित कपिलवस्तु ५ असारकपिलवसतुमा सकृय कोरोना सक्रमितको सख्या निरनतर घटदै गएको छ । स्वास्थ्य कार्यालय अनुसार शनिवार...

दोस्रो लहरमा रुपन्देहीमा ३१९ संक्रमितको मृत्यु, ।।

३० देखि ४९ वर्ष समूहका मात्रै २९ प्रतिशत ।।असार ५, भैरहवा–रुपन्देहीमा कोरोना भाइरस संक्रमणबाट हाल सम्म ४७६ जना कोरोना संक्रमितको मृत्यु भएको...

नेविसंघ र तरुण दल विपन्नको सहयोगमा जुट्दै ।।

५ असार कपिलवस्तु ।विपद् होस या अन्य समस्या समुदायमा देखिन साथ नेविसंघ र नेपाल तरुण दलका प्रतिनिधि समुदायमा पुने गर्दछन् ।विश्वभर...

प्रांगारिक खेती प्रर्बद्धन गर्न वाणगंगा २ का महिला कृषक समूहलाई उपकरण हस्तान्तरण ।।

पार्बती आचार्य कपिलवस्तु, ५ असार ।बाणगंगा नगरपालिका वडा नं. २ गोबडीहवास्थित ज्योती महिला कृषक समूहमा सञ्चालन भैरहेको...

Recent Comments