Home प्रदेश समाचार बुटवल कोरोना अस्पतालको आईसीयूबाटै सुनका गहना चोरी

बुटवल कोरोना अस्पतालको आईसीयूबाटै सुनका गहना चोरी

२० मंसिर, बुटवल ।
बुटवल धागो कारखानामा सञ्चालित कोरोना विशेष अस्थायी अस्पतालमा भर्ना भएकी एक महिलाको सुनको गहना चोरी भएको छ । बुटवल–७ शिवनगरकी ४८ वर्षीया कोरोना संक्रमित महिलाको कानमा लगाएको दुई वटा रिङ र नाकमा लगाएको फुली चोरी भएको हो ।मंसिर १४ गते आईसीयू कक्षमा भर्ना भएकी र १५ गते बिहान उपचारका क्रममा मृत्यु भएकी उनको एक तोला बराबरको सुनका गहना उपचारकै क्रममा चोरी भएको परिवारका सदस्यले गुनासो गरेका छन् । संक्रमितको मृत्यु भएपछि अस्पतालका कर्मचारीले मोबाइल, थर्मस लगायत सामान दिएपनि गहना नपाएपछि परिवारका सदस्यले खोजी गरेका थिए ।
‘हामी जाँदा शवलाई मर्करीमा राखिसकेको रहेछ, हामीले गहनाको कुरा गरेपछि शव खोलेर हेर्दा फुली लगाएको नाकको भागमा रगत निस्केको देख्यौं,’ मृतकका छोरा प्रदीप अर्यालले भने, ‘गहना हराएकोबारे अस्पतालका फोकल पर्सन, वडा प्रहरी र बुटवलका मेयरलाई पनि जानकारी गरायौं, उहाँहरुले हामी खोजी गर्छौं भन्नुभयो तर त्यसपछि सम्पर्क गर्नुभएन ।’
बिरामीको मृत्यु भएपछि गहना निकालिएको हुनसक्ने अर्यालले आशंका गरे । चोरी भएको गहना पत्ता लगाएर दिने आशा गरेको तर एक हप्तासम्म नदिएपछि अरु बिरामीको गहना नहराओस् भन्ने उद्देश्यले घटना सार्वजनिक गर्नुपरेको मृतकका छिमेकी गुप्तबहादुर केसीले बताए । यसअघि पनि अस्पताल भर्ना भएका बुटवलकै एक पुरुषको बेरुवा औंठी पनि चोरी भएको गुनासो आएको केसीले बताए ।
अस्पतालका कोरोना फोकल पर्सन डा. सुदर्शन थापाले गहना चोरी भएको गुनासो आएको स्वीकार्दै खोजी भइरहेको बताए । ‘आईसीयू कक्षबाट गहना चोरी भएको कुराले हामी संवेदनशील भएका छौं, हामी दोषी पत्ता लगाउने प्रक्रियामा छौं ।’इलाका प्रहरी कार्यालय बुटवलका प्रमुख डीएसपी प्रतितसिंह राठौरले घटनाबारे मौखिक जानकारी मात्र पाएको तर लिखित उजुरी नआएको बताए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

राष्ट्रीय मदरसा संघ नेपाल द्वारा ईद उल अज़हां(बकरा ईद)को शुभकामना व्यक्त

कृष्णनगर, कपिलवस्तु मुस्लिम धर्मावलंबी हरूले मनाउने महत्वपूर्ण चाड बकर इदको उपलक्ष्यमा राष्ट्रीय मदरसा संघ नेपालका...

बकर इदमा सार्वजनिक बिदा दिने मन्त्रिपरिषद्को निर्णयको राष्ट्रीय मदरसा संघ द्वारा स्वागत

कृष्णनगर, कपिलवस्तु सरकारले साउन ६ गते सार्वजनिक बिदा दिएको छ। सोमबार बसेको मन्त्रिपरिषद्को बैठकले मुस्लिम...

मर्कजे अहले सुन्नत दरगाहें आला हजरत बरेलीको सहयोगले नेपालको गरिब परिवारमा राहत वितरण

कृष्णनगर/कपिलवस्तु कपिलवस्तुको कृष्णनगरमा रहेको अल जामियातुल बरकातिया लिलबनातमा कृष्णानगर नगरपालिका कोरोना प्रभावित गरिब पीड़ित असहाय...

Recent Comments