Home विदेश बंगलादेश र भारतबीच उर्जा क्षेत्रमा नेपालसँग सहकार्य गर्ने सहमति

बंगलादेश र भारतबीच उर्जा क्षेत्रमा नेपालसँग सहकार्य गर्ने सहमति

२ पुस, काठमाडौं ।
भारतीय प्रधानमन्त्री नरेन्द्र मोदी र बंगलादेशका प्रधानमन्त्री शेख हसिनाको बीचमा नेपाल, बंगलादेश र भारतको बीचमा उर्जा क्षेत्रमा उपक्षेत्रीय सहकार्य गर्ने विषयमा सहमति भएको छ ।
दुई देशको बीचमा बिहीबार भएको भर्चुअल समिटमा सो विषयले प्राथमिकता पाएको हो । मोदी र हसिनाको बीचमा भएको सहमतिमा भनिएको छ,‘हरित, स्वच्छ र नवीकरणीय उर्जाका क्षेत्रमा अगाडि बढ्ने दुवै देशको प्रतिवद्धता अनुसार नेपाल र भूटानसँग उपक्षेत्रीय सहकार्यलाई सुदृढ बनाउने विषयमा सहमति भएको छ ।’
दुई देश पानी र उर्जा कनेक्टिभिटीलाई सुदृढ बनाउने सम्बन्धमा समेत कुराकानी भएको छ । बंगलादेशले नेपालको उर्जा क्षेत्रमा लगानी गरी जलविद्युत लैजाने योजना बनाएको छ । तर, ग्रिड कनेक्टीभिटीको लागि भारतको भर पर्नुपर्ने अवस्था छ ।त्यसैले उर्जाको क्षेत्रमा तीन देशीय संयन्त्र निर्माण गर्नुपर्ने आवश्यकता रहेको छ । नेपालको उर्जा बंगलादेश लैजान सहजीकरण गरिदिन बंगलादेशले भारतलाई आग्रह गरिरहेको छ ।
यस अगाडि सन् २०१६ मा भारत भ्रमणको समयमा पनि हसिनाले यो विषय निकै जोडतोडका साथ उठाएकी थिइन् । सहजीकरणका लागि आफू सकारात्मक रहेको भारतले जनाएपनि उसले खासै चासो दिएको छैन् ।केही दिन अगाडि भएको नेपाल र भारतका उर्जा सचिवको बैठकमा नेपालले सो विषय उठाएको थियो । तर भारतले सो संयन्त्रमा सो विषयमा वार्ता हुन नसक्ने जवाफ दियो । झण्डै डेढ वर्ष अगाडि यस विषयमा कुराकानी गर्नका लागि भारतले त्रिपक्षीय बैठक बोलाउने प्रतिवद्धता जनाएको थियो तर अहिलेसम्म बैठक बस्न सकेको छैन ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

राष्ट्रीय मदरसा संघ नेपाल द्वारा ईद उल अज़हां(बकरा ईद)को शुभकामना व्यक्त

कृष्णनगर, कपिलवस्तु मुस्लिम धर्मावलंबी हरूले मनाउने महत्वपूर्ण चाड बकर इदको उपलक्ष्यमा राष्ट्रीय मदरसा संघ नेपालका...

बकर इदमा सार्वजनिक बिदा दिने मन्त्रिपरिषद्को निर्णयको राष्ट्रीय मदरसा संघ द्वारा स्वागत

कृष्णनगर, कपिलवस्तु सरकारले साउन ६ गते सार्वजनिक बिदा दिएको छ। सोमबार बसेको मन्त्रिपरिषद्को बैठकले मुस्लिम...

मर्कजे अहले सुन्नत दरगाहें आला हजरत बरेलीको सहयोगले नेपालको गरिब परिवारमा राहत वितरण

कृष्णनगर/कपिलवस्तु कपिलवस्तुको कृष्णनगरमा रहेको अल जामियातुल बरकातिया लिलबनातमा कृष्णानगर नगरपालिका कोरोना प्रभावित गरिब पीड़ित असहाय...

Recent Comments