Home जिल्ला समाचार जेष्ठ नगरिकलाई न्यानो सल वितरण

जेष्ठ नगरिकलाई न्यानो सल वितरण

१७ पुष, कपिलवस्तु
वाणगंगा नगरपालिका वडा नं ७ का वडा अध्यक्ष विष्णु गिरिले जेष्ठ नगरिकलाई न्यानो कपडा वितरण गरेर उल्लेखनीय कार्य गरेको संविधान सभा सदस्य बलराम अधिकारीले बताउनुभयो । ७० वर्षभन्दा माथिका जेष्ठ नागरिकहरुलाई सम्मान कार्यक्रममा उहाँले समाजमा गरेका राम्रा कामको छाप पछि सम्म पर्ने भएकाले यस्तै उल्लेखनीय कार्य गर्न जरुरी रहेको स्पष्ट पार्नुभएको हो । केपी ओली नेतृत्वको सरकार आएपछि विकास निर्माणको कामले फड्को मारेको तर्क गर्दै सीमा मिचिने र नाकाबन्दी कहिल्यै नहुने समेत संविधान सभा सदस्य अधिकारीले दावी गर्नुभयो ।
कार्यक्रममा वाणगंगा नगरपालिका वडा नं ७ का वडा अध्यक्ष विष्णु गिरिले भौतिक पूर्वाधारसँगै लक्षित कार्यक्रमले सुखी नेपाली समृद्ध नेपालको सपना साकार हुने बताउनुभयो । उहाँले न्यानो सल वितरण कार्यक्रममा रचनात्मक र सिर्जनात्मक दुवै हिसावले वडालाई नगरकै समृद्ध वडा बनाउने जिकिर गर्नुभयो । स्थानीयको सल्लाह सुझाव अनुसार हिजो, आज कार्य गर्दै आएको र भोलीका दिनहरुमा अगाडी बढ्ने स्पष्ट पार्नुभयो । खारखानीको पिकनिक स्पोर्टको कार्यलाई आगामी हप्ताबाट नै अगाडी बढाउने अध्यक्ष गिरिको भनाई छ । आगामी दिनमा २४५ सुकुम्बासी घर परिवारलाई विद्युत मिटर वितरण गर्ने योजना रहेको बताउँदै नमुना वडा बनाउन आफूले कुनै कसर बाँकी नराख्ने प्रतिवद्धता व्यक्त गर्नुभयो ।
यस्तै नगरका प्रमुख प्रशासकीय अधिकृत गेहेन्द्र बहादुर डाँगीले र समाजसेवी नेत्र गिरीले जीवन यात्रामा मानवले गर्नुपर्ने कर्म वडाले गरेको भन्दै प्रशसा गर्नुभयो ।कार्यक्रममा भत्ता खाइसकेका ७० वर्ष भन्दा माथिका २५० जना जेष्ठ नागरिकहरुलाई न्यानो सल र मास्क वितरण गरिएको थियो । यस्तै गिरिले पत्रकारहरुलाई समेत दोसल्ला ओढाएर सम्मान समेत गर्नुभएको थियो । जेष्ठ नागरिकहरु वडाले गरेको कार्यको प्रशंसा गर्दै गिरिलाई आशिर्वाद समेत दिएका थिए ।

वडा अध्यक्ष विष्णु गिरिको अध्यक्षता रहेको कार्यक्रमको संचालन सचिव कृष्णप्रसाद खनालले गर्नुभएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

राष्ट्रीय मदरसा संघ नेपाल द्वारा ईद उल अज़हां(बकरा ईद)को शुभकामना व्यक्त

कृष्णनगर, कपिलवस्तु मुस्लिम धर्मावलंबी हरूले मनाउने महत्वपूर्ण चाड बकर इदको उपलक्ष्यमा राष्ट्रीय मदरसा संघ नेपालका...

बकर इदमा सार्वजनिक बिदा दिने मन्त्रिपरिषद्को निर्णयको राष्ट्रीय मदरसा संघ द्वारा स्वागत

कृष्णनगर, कपिलवस्तु सरकारले साउन ६ गते सार्वजनिक बिदा दिएको छ। सोमबार बसेको मन्त्रिपरिषद्को बैठकले मुस्लिम...

मर्कजे अहले सुन्नत दरगाहें आला हजरत बरेलीको सहयोगले नेपालको गरिब परिवारमा राहत वितरण

कृष्णनगर/कपिलवस्तु कपिलवस्तुको कृष्णनगरमा रहेको अल जामियातुल बरकातिया लिलबनातमा कृष्णानगर नगरपालिका कोरोना प्रभावित गरिब पीड़ित असहाय...

Recent Comments