Home खेलकुद चौथो बुद्धभूमि मेयर कपको उपाधी वडा १ लाई ।।

चौथो बुद्धभूमि मेयर कपको उपाधी वडा १ लाई ।।

ओम प्रकाश पौडेल । कपिलवस्तु । १७ फागुन ।
चौथो बुद्धभूमि मेयर कप फुटवलको उपाधी बुद्धभूमि वडा नम्बर १ ले हात पारेको छ । इमिलिया खेल मैदानमा आज सम्पन्न प्रतिश्पर्धामा वडा नम्बर २ लाई पराजित पार्दै वडा १ ले उपाधी कब्जा गरेको हो ।
प्रतियोगितामा वडा नम्बर ९ ले तृतीय स्थान हासिल गरेको छ । यो संगै उपाधी विजेताले नगद २५००० रुपैयाँ, उपविजेताले २० हजार रुपैयाँ र तेस्रो हुनेले १५००० रुपैयाँ तथा शिल्ड मेडल र प्रमाणपत्र प्राप्त गरेको नगरपालिकाले जनाएको छ। राष्टपति रनिङ शिल्ड प्राप्त गरेका खेलाडीलाई भने शिल्ड मेडल र प्रमाण पत्रका साथ नगद १० हजार रुपैयाँले पुरस्कृत गरिएको बताइएको छ ।
स्लो साइकल रेसमा भने सिद्धार्थ स्मारक मावि भेलाईका सुजन थारु र छात्रा तर्फ जनकल्याण मावि वरकलपुरका वृन्दा विकले जित हासिल गर्नुभएको छ ।
यस्तै राष्टपति रिनङ शिल्ड अन्तर्गत ३ हजार मिटर दौडमा कपिलवस्तु राष्टिय मावि चेतरादेहिका रोहित खरविन्द, तथा छात्रा तर्फ श्री मावि इमिलियाकी सुष्मा थारु विजयी हुनु भएको छ । हाइजम्प छात्र तर्फ सन्तविर थारु जनकल्याण मावि र छात्रा तर्फ नेपाल राष्टिय मावि चौरीकी सीमा थापाले जित हात पार्नुभएको नगरपालिका शिक्षा शाखा प्रमुख कृष्ण भटराईले जानकारी दिनुभयो ।
यस्तै ४ सय मिटर रिले दौड छात्र तर्फ जनकल्याण मावि, र छात्रा तर्फ नेपाल राष्टिय मावि रनगाई विजयी भएको छ । त्यस्तै छात्र कबड्डीमा नर्थ प्वाइन्ट एकेडमी पत्थरकोट र छात्रा तर्फ जन कल्याण मावि वरकलपुले जित हात पारेको छ । त्यस्तै छात्रा भलिबल प्रतियोगितामा गंगा ज्योति मावि पत्थरकोट विजयी भएको छ ।
फागुन १४ देखि बुद्धभूमि खेल मैदानमा सुरु भएको खेलकुद प्रतियोगिता आज सम्पन्न भएको छ । समापन समारोह नगरप्रमुख केशब कुमार श्रेष्ठकोे अध्यक्षता, जिल्ला समन्वय समितिका संयोजक नारायण खनालको प्रमुख आतिथ्यता प्रमुख प्रशाशकिय अधिकृत अनिल पौडेल लगायतको आतिथ्यता र शिक्षा शाखा प्रमुख कृष्ण भटराईको सञ्चालनमा सम्पन्न भएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

राष्ट्रीय मदरसा संघ नेपाल द्वारा ईद उल अज़हां(बकरा ईद)को शुभकामना व्यक्त

कृष्णनगर, कपिलवस्तु मुस्लिम धर्मावलंबी हरूले मनाउने महत्वपूर्ण चाड बकर इदको उपलक्ष्यमा राष्ट्रीय मदरसा संघ नेपालका...

बकर इदमा सार्वजनिक बिदा दिने मन्त्रिपरिषद्को निर्णयको राष्ट्रीय मदरसा संघ द्वारा स्वागत

कृष्णनगर, कपिलवस्तु सरकारले साउन ६ गते सार्वजनिक बिदा दिएको छ। सोमबार बसेको मन्त्रिपरिषद्को बैठकले मुस्लिम...

मर्कजे अहले सुन्नत दरगाहें आला हजरत बरेलीको सहयोगले नेपालको गरिब परिवारमा राहत वितरण

कृष्णनगर/कपिलवस्तु कपिलवस्तुको कृष्णनगरमा रहेको अल जामियातुल बरकातिया लिलबनातमा कृष्णानगर नगरपालिका कोरोना प्रभावित गरिब पीड़ित असहाय...

Recent Comments