Home Breaking News बेलायतका १६ सांसदद्वारा नेपाललाई खोपसहित स्वास्थ्य सामग्री सहयोग गर्न आग्रह

बेलायतका १६ सांसदद्वारा नेपाललाई खोपसहित स्वास्थ्य सामग्री सहयोग गर्न आग्रह

  जेठ २६, २०७८ काठमाण्डाै –

बेलायतका १६ सांसदले नेपाललाई कोरोनाविरुद्धको खोपसहित स्वास्थ्य सामग्री तत्काल सहयोग गर्न आफ्नो सरकारसँग आग्रह गरेका छन् ।

कोरोनाको संक्रमण नेपालमा बढीरहेकाे भन्दै खोपसहित स्वास्थ्य सामग्री तत्काल सहयोग गर्न उनीहरुले आग्रह गरेका हुन् । १६ सांसदको तर्फबाट क्रिस्टी ब्ल्याकमेनले विदेशमन्त्री डोमिनिक राबलाई लेखेको पत्रमा नेपालमा तत्काल कोरोनाविरुद्धको खोप, अक्सिजन जेनेरेटर्स्, कन्सन्ट्रेटर लगायत अत्यावश्यक मेडिकल सामग्रीको सहयोग गर्न भनिएको छ ।

अहिलेको स्थिति नेपालका लागि मात्र ठूलो प्रकोप नभइ विश्वका लागि नै जोखिम भएको भन्दै सांसदहरुले बेलायत सरकारको ध्यानाकर्षण गराएका हुन् । यस्तै, सांसदहरुले नेपालमा संक्रमित भएकामध्ये ९७ प्रतिशतमा भारतमा देखिएको कोरोनाको नयाँ भेरियन्ट देखिएको र यो द्रुत गतिमा फैलिँदै गएको पनि बताएका छन् । तर, नेपालमा कमजोर स्वास्थ्य पूर्वाधार, अक्सिजनलगायतको अभाव भएकाले रोकथाम तथा उपचार प्रभावित भएको भन्दै तत्काल सहायता गर्नु पर्नेमा उनीहरुले जोड दिएका छन् ।

नेपालमा संक्रमित दर ५० प्रतिशतको आसपास रहेको, कतिपय समुदायमा ९० प्रतिशतमा पुगेको तथा कुल जनसंख्याको सात प्रतिशतले मात्रै कोरोनाविरुद्धको पहिलो डोज खोप पाएको र दुई डोज खोप लगाउनेहरूको संख्या दुई प्रतिशत मात्रै रहेको उल्लेख गरिएको छ । यस्तै, उनीहरुले एक हप्ता भित्रै नेपाललाई खोप आपूर्तिका लागि ताकेता दिँदै हस्ताक्षर गर्नेको संख्या १० हजार पुगेको पनि पनि बताएका छन् ।

यस्तै, सयुंक्त राष्ट्रसंघले पनि दुई हप्ता अघि नेपालमा कोराेनाको नियन्त्रणका लागि आठ करोड ३७ लाख अमेरिकी डलर आवश्यक पर्ने घोषणा गरेको बारे पनि उनीहरुले स्मरण गराएका छन् । नेपालका गोर्खालीहरुले बेलायतलाई धेरै सहयोग गरेको र नेपालसँग बेलायतको लामो समयदेखिको मित्रताका कारण पनि बेलायतले नेपाललाई तत्काल सहयोग उपलब्ध गराउनु पर्नेमा जोड दिइएको छ । नेपाल सरकारले सहयोगको माग गरे पनि किन आपत्कालीन रुपमा सहयोग हुन सकेन भनेर उनीहरुले प्रश्न पनि गरेका छन् । १६ जना सांसदले हस्ताक्षर गरेको पत्रमा भनिएको छ –अप्ठेरो अवस्थामा भारतलाई निकै सहयोग गरे पनि त्यही भाइरसको भेरियन्टका कारण समस्यामा परेको नेपाललाई किन सहयोग गरेनौँ ? नेपाललाई सहयोगको तुरुन्तै आवश्यकता छ ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here

Most Popular

कपिलवस्तुमा कोरोना संक्रमितको संख्या निरन्तर घटदै

१ सय ५९ जना सकृय संक्रमित कपिलवस्तु ५ असारकपिलवसतुमा सकृय कोरोना सक्रमितको सख्या निरनतर घटदै गएको छ । स्वास्थ्य कार्यालय अनुसार शनिवार...

दोस्रो लहरमा रुपन्देहीमा ३१९ संक्रमितको मृत्यु, ।।

३० देखि ४९ वर्ष समूहका मात्रै २९ प्रतिशत ।।असार ५, भैरहवा–रुपन्देहीमा कोरोना भाइरस संक्रमणबाट हाल सम्म ४७६ जना कोरोना संक्रमितको मृत्यु भएको...

नेविसंघ र तरुण दल विपन्नको सहयोगमा जुट्दै ।।

५ असार कपिलवस्तु ।विपद् होस या अन्य समस्या समुदायमा देखिन साथ नेविसंघ र नेपाल तरुण दलका प्रतिनिधि समुदायमा पुने गर्दछन् ।विश्वभर...

प्रांगारिक खेती प्रर्बद्धन गर्न वाणगंगा २ का महिला कृषक समूहलाई उपकरण हस्तान्तरण ।।

पार्बती आचार्य कपिलवस्तु, ५ असार ।बाणगंगा नगरपालिका वडा नं. २ गोबडीहवास्थित ज्योती महिला कृषक समूहमा सञ्चालन भैरहेको...

Recent Comments